გარემოს ეროვნულ სააგენტოში სამუშაო ვიზიტით ესტონეთის გარემოს კვლევითი ცენტრის წარმომადგენლები იმყოფებოდნენ
გარემოს დაბინძურების მონიტორინგი
გარემოს ეროვნულ სააგენტოში სამუშაო ვიზიტით ესტონეთის გარემოს კვლევითი ცენტრის წარმომადგენლები იმყოფებოდნენ.
სტუმრები სააგენტოს გარემოს დაცვის მონიტორინგის დეპარტამენტის საქმიანობას გაეცნენ, ასევე, ესტონეთსა და საქართველოში ატმოსფერული ჰაერის ხარისხის მონიტორინგის მიმართულებით არსებული მდგომარეობა განიხილეს და აღნიშნულ სფეროში მიმდინარე საქმიანობასა და სამომავლო გეგმებზე პრეზენტაციები წარმოადგინეს.
შეხვედრაზე მონაწილეებმა მხარეებს შორის შემდგომი თანამშრომლობის პერსპექტივებზეც იმსჯელეს.
სამუშაო ვიზიტის ფარგლებში, ექსპერტები თბილისსა და თელავში განთავსებული ატმოსფერული ჰაერის ხარისხის მონიტორინგის სადგურების მუშაობას ადგილზე გაეცნენ.
