გარემოს ეროვნული სააგენტო გარემოს ეროვნული სააგენტო

გარემოსდაცვითი პასუხისმგებლობის დეპარტამენტი შეიქმნა „გარემოსდაცვითი პასუხისმგებლობის შესახებ“ საქართველოს კანონის საფუძველზე და მისი ძირითადი ფუნქციებია:

გარემოსთვის მიყენებული მნიშვნელოვანი ზიანის გამოსასწორებელი ღონისძიებების გეგმის პროექტის განხილვა და შეთანხმების უზრუნველყოფა;

დაზიანებული გარემოს პირვანდელ მდგომარეობაში ან პირვანდელ მდგომარეობასთან მიახლოებულ მდგომარეობამდე აღდგენის შესაძლებლობის საკითხის განხილვა და შესაბამისი დასკვნის მომზადება;

მნიშვნელოვანი ზიანის გამოსასწორებელი სანაცვლო/ადეკვატური ღონისძიებების დაზიანებული ტერიტორიის მიმდებარე ან სხვა ტერიტორიაზე განხორციელების

საკითხის სანაცვლო/ადეკვატური ღონისძიებების განმსაზღვრელი კომისიისთვის წარდგენა და კომისიის რეკომენდაციების შესრულების უზრუნველყოფა;

მნიშვნელოვანი ზიანის გამოსასწორებელი ღონისძიებების განსაზღვრაში დაინტერესებული პირების მონაწილეობის უზრუნველყოფა;

გარემოსთვის მიყენებული მნიშვნელოვანი ზიანის გამოსასწორებელი ღონისძიებების გეგმის პროექტთან დაკავშირებით დაინტერესებული პირების შენიშვნების განხილვა;

მნიშვნელოვანი ზიანის გამოსასწორებელი ღონისძიებების გეგმით გათვალისწინებული ღონისძიების სხვა ღონისძიებით შეცვლის თაობაზე შუამდგომლობის განხილვა და შესაბამისი გადაწყვეტილების მომზადება;

გარემოსთვის განსაკუთრებით საშიში საქმიანობებისთვის გარემოსთვის ზიანის მიყენების რისკის ფინანსური უზრუნველყოფის ოდენობის, გარემოსდაცვითი პასუხისმგებლობის ხარჯების და ფინანსური უზრუნველყოფის საშუალების სახის განხილვა და შესაბამისი გადაწყვეტილების მომზადება (2023 წლის 1 ივლისიდან);

მნიშვნელოვანი ზიანის გამოსასწორებელი ღონისძიებების გეგმის შესრულების საბოლოო ანგარიშის მიღება;

კომპეტენციის ფარგლებში, „გარემოსდაცვითი პასუხისმგებლობის შესახებ“ საქართველოს კანონით გათვალისწინებული სხვა უფლებამოსილებების განხორციელება.